logo kukuxumusu

Aurreko Berriak

  • 31-12-2011

    Mr. Testisen inozentada eskuetatik joan zaigu

    Joan den abenduaren 28an Kukuxumusuko zezen urdinak inozentada egin zien Kukuxumusuk Twitterren dituen jarraitzaileei, baina txantxa eskuetatik joan zitzaion eta egun hauek guztiak amua irentsitako tuiterlariei erantzuten eta inozentada izan zela azaltzen eman ditu

  • 15-09-2011

    Pedro iltzearekin etorri da lanera

    Komunikazio arduradunak sorpresa ederra aurkitu du Kukuxumusuren bulegoetara iristean

13-01-2012

Bea, Amaia eta Rebeca ubeldu egin dira

Lehengo eguneko odol ateratzeak oroipen polita utzi die gure lankideei

Bai, holaxe, gure lankide Bea (Biltegia), Amaia eta Rebeca (Marketina) ubeldu egin dira, baina ez jan eta edan aritzeagatik bapo egin dutelako hain zuzen -ziur aski egunotan jan eta edan ederki egin arren-, baizik eta lehengoan Marrazki Fabrika bisitatu zuten banpiro batzuek odola hainbesteraino xurgatu zieten ezen besoetan Crepúsculoek daramatzaten arrastoen antzekoak utzi dizkietelako.

Kontua da lehengo batean Kukuxumusun odola ateratzeko eguna genuela eta kukusoak, ardiak hiltegira bezala, besoak zula ziezazkieten joan zirela. Eta egia da hasieran dena ongi joan zela, inork ez zuen krisirik izan, ateratzea egin aurretik inork ez zuen konortea galdu, eta, dirudienez, kukusoek ez zituzten sastadak asko nabaritu, hortaz, gauzak ongi zihoazela ematen zuen. Gure lankideek nekez imajina zezaketena zen minutu batzuen ondoren oroigarri motako ubeldura horiek atera behar zitzaizkiela.

Egun batzuk igaro dira eta ubelak handiagoak egin dira eta, are, kolorez aldatuz joan dira, baina gure lankideek ez dute irribarrea galdu eta Crepúsculoren zale egin dira.