Erabilera baldintzak

1. XEDEA

1.1. Baldintza hauek (aurrerantzean, Erabilera Baldintzak) www.kukuxumusu.com web orrirako (aurrerantzean, Web orria) sarrera, nabigazioa eta erabilera arautzen dituzte, bai eta hura bisitatzen duen edozein internautak edo erabiltzailek (aurrerantzean, Erabiltzailea) haren edukiak erabiltzetik (testuak, grafikoak, marrazkiak, diseinuak, kodeak, softwarea, argazkiak, musika, bideoak, soinuak, datu-baseak, irudiak, adierazpenak eta informazioak, edo jabetza intelektual eta industrialari buruz nazioko edo nazioarteko arauek babesten duten beste edozein sortze barne) eratortzen diren erantzukizunak ere.

1.2. Halaber, Erabilera Baldintzek arautzen dituzte Kukuxumusu, S.L.era, Web orrien bitartez hedatuak izan daitezen, edozein bidetatik (postaz edo posta elektronikoz bereziki) egindako testu, marrazki, argazki eta bideo digitalen bidalketak eta igoerak (upload).

1.3. Web Orriaren jabea Kukuxumusu, S.L. da, sozietate espainiarra, Iruñeko Merkataritza-erregistroan inskribatua dagoena (aurrerantzean, Kukuxumusu) I.F.K.: B-31/47471, (helbidea: Iruñeko Marzelo Zelaieta kaleko 75 NAA1).

1.4. Web orrian zehar nabigatzeak edo testu, argazki, bideo edo beste edozein eduki (aurrerantzean, oro har, Materialak) bidaltzeak edo igotzeak ekartzen du erabiltzaileak Erabilera Baldintza guztiekiko atxikimendu osoa eta erreserbarik gabea adierazten duela.

2. JABETZA INTELEKTUAL ETA INDUSTRIALAREN ESKUBIDEAK

2.1. Kukuxumusu da Web orriaren eta beronen bidez eskuragarri dauden edukien jabetza intelektuala eta jabetza industriala ustiatzeko eskubideen titularra edo lizentzia hartzailea.

2.2. Inola ere ez da ulertuko Erabiltzaileei Web orrira sartzen uzteak, Kukuxumusuren aldetik esandako eskubideen uko egite, transmisio, lizentzia edo emate partzial edo osorik ekarriko duenik.

2.3. Espresuki debekatua dago egile-eskubideen abisua (copyright) eta Kukuxumusuren eskubideei buruzko beste edozein identifikazio-datu ezabatu, saihestu edo manipulatzea.

2.4. Web orriaren edo Web orria osatzen duten elementu edo zerbitzuen iturri-kodea lortzeko erreprodukzio, banaketa, aldaketa, komertzializazio, deskonpilatze, desmihiztatze lanak edo atzeranzko ingeniaritza edo beste motako teknikak egin edo erabiltzea Kukuxumusuren jabetza intelektualaren eskubideak urratzea da.

2.5. Halaber, debekatua dago Web orri honetako edukien zati bat edo guztiak helburu publiko edo komertzialekin edonola aldatzea, kopiatzea, berrerabiltzea, ustiatzea, erreproduzitzea, publikoki jakinaraztea, bigarren edo ondorengo argitaratzeak egitea, fitxategiak kargatzea, postaz bidaltzea, igortzea, erabiltzea, maneiatzea, edo banatzea, Kukuxumusuk baimentzen ez badu.

2.6. Web orriko edozein eduki Kukuxumusuren baimenik gabe erreproduzitu, plagiatu, banatu edo publikoki jakinaraztea, Espainiako Zigor Kodearen XIII. Tituluko XI. Kapituluko Lehen Sekzioan (270. artikulua eta hurrengoak) sailkatutako delituetako bat da, bertan "jabetza intelektual eta industrialari, merkatuari eta kontsumitzaileei dagozkien delituak" arautzen baitira. Honelako delituak egiten dituztenentzat lau urte arteko gartzela zigorrak aurreikusten dira, bai eta haiek egiteagatik etor litezkeen isunak eta erantzukizun zibilak ere.

2.7. Halaber, egile-eskubideak Bernako Hitzarmenak, Egile-eskubideei buruzko Genevako Konbentzio Unibertsalak, Parisko Batasunaren Hitzarmenak, eta Montevideoko Hitzarmenak babestuta daude nazioarteko mailan. Hauek guztiak Espainiak berretsi ditu.

3. BERMEAK ETA ERANTZUKIZUNAK

3.1. Kukuxumusuk ez du Web orrian eskura dauden datu, programa, informazio edo iritzien zilegitasun, fidagarritasun, erabilgarritasun, egiazkotasun edo zehaztasuna bermatzen.

3.2. Kukuxumusuk ez ditu honakoak bermatzen: (i) Web orriko edukien jarraipen eta eskuragarritasuna; (ii) eduki horietan akatsik ez egotea; (iii) Web orrian edo hura hornitzen duen zerbitzarian birus eta/edo osagai kaltegarririk ez egotea; (iv) Web orriaren urrakortasuna; (v) Kukuxumusuk Web orrian ezarritako baldintza, arau edo jarraibideak urratu edo Web orriko segurtasun sistemak hausten dituen pertsona orok, bere buruari edo hirugarren bati, sortzen ahal dizkion kalte edo galerak.

4. ESTEKAK

4.1. Erabiltzaileak Web orrian beste web orri batzuetarako estekak aurki ditzake botoi, link, banner eta abarren bidez. Kukuxumusuk ez du Web orriaren barruan estekatutako web orri edo guneei dagokien edozein alderdiren gainean inolako erantzukizunik hartzen.

4.2. Kukuxumusuk ez du Kukuxumusurenak ez diren eta Web Orri honekiko estekak dituzten web orrietan emandako inolako informazio, eduki, produktu edo zerbitzurik kontrolatu edo onetsiko. Kukuxumusuk ez du Kukuxumusuren Web orriarekin esteka duen web orriari dagokion edozein alderdiren gainean inolako erantzukizunik hartzen.

5. IRAUPENA ETA ALDAKETA

5.1. Kukuxumusuk, edozein unetan eta era aldebakarrean, hemen hizpatutako termino eta baldintzak aldatu ahal izango ditu.

5.2. Kukuxumusuk, era aldebakarrean, edozein unetan eta aurretik abisurik eman gabe, Web orriko edukietarako sarrera bukatutzat eman, eten edo gelditu ahal izango du eta erabiltzaileak ezin izango du inolako kalte-ordainik eskatu honegatik.

6. MATERIALAK

6.1. Web orrira materialak bidali edo igotzearen eta berauek Webaren bidez argitaratze edo zabaltzearen erantzule bakarra erabiltzailea izango da. Web orrira materialak bidali edo igotzen dituen erabiltzaileak bermatzen du egilea bera dela edo Kukuxumusuri materialak argitaratu eta zabaltzeko baimena eman ahal izateko behar diren lizentzia eta baimenak dituela.

6.2. Erabiltzaileak materialetan azaltzen diren pertsona identifikagarri guztien idatzizko baimena duela bermatzen du haien irudia eta, behar denean, izena ere Webaren bidez argitaratu eta zabaltzeko.

6.3. Erabiltzaileak bidali edo igotzen dituen materialak ez direla hirugarrenentzat edo Kukuxumusurentzat kaltegarri bermatzen du. Bereziki, erabiltzaileak bermatzen du materialek ez dutela ilegalak, moralki gaitzesgarriak, difamaziozkoak, mehatxatzaileak, pornografikoak edo arrazistak gerta daitezkeen irudi, soinu edo testurik. Erabiltzaileak bermatzen du materialek ez dutela irudi, jabetza intelektual edo industrialeko eskubiderik urratzen eta ez dutela inoren ohore edo duintasunaren aurka egiten. Partehartzaileak bermatzen du materialek eta hauek edozein hedabidetan argitaratze eta zabaltzeak ez dutela inolako legezko agindu penalik edo beste motakorik hausten.

6.4. Web orrira materialak bidali edo igotzen dituen erabiltzaileak automatikoki ematen dio Kukuxumusuri doako lizentzia, ez baztertzailea eta hirugarrenei igaro daitekeena, materialak mundu guztian, erabili, erreproduzitu, banatu, eraldatu, publikoki jakinarazi eta erabiltzaileen esku jartzeko, Jabetza Intelektualaren Legeko Testu Bateratuko 26. artikuluak lagatzeetarako ezartzen duen gehieneko epeaz. Lizentzia horren bitartez, erabiltzaileak Kukuxumusuri materialak edozein hedabidetan, bereziki Interneten bidez, banatu eta zabaltzeko baimena ematen dio. Emandako lizentziak ez du Kukuxumusu materialak argitaratu edo zabaltzera behartzen. Kukuxumusuk libreki erabakiko du material jakin bat argitaratzea edo ez, bai eta noiz edo zenbat denboraz argitaratuko duen ere.

6.5. Kukuxumusuk erabiltzailearen materialak argitaratze edo zabaltzetik eratorritako inolako erantzukizunik gain hartzeari uko egiten dio. Kukuxumusuk jabetza intelektual edo industrialeko eskubideak, irudi eskubidea, ohore eta intimitaterako eskubidea edo beste legezko aginduren bat urra ditzakeen edozein material erretiratuko du, baldin eta urratzea dagoela behar bezala jakinarazten bazaio. Erabiltzaileak hirugarrenen aurrean eta Kukuxumusuren aurrean erantzungo du materialekin, euren argitaratzearekin edo edozein modutan zabaltzearekin lotura duen auzitegi edo auzitegitik kanpoko edozein erreklamaziorengatik.

7. DATU PERTSONALAK

7.1. Kukuxumusuk erabiltzaileei jakinarazten die, kontsulta eta edukiak bidaltzeko sistemen bitartez, erabiltzaileari erantzute sailaren bitartez eta Web orrian dauden beste datu-orri batzuen bitartez emandako datuak KUKUXUMUSU S.L.ren datu-fitxategi automatizatu batean sartuko direla. Honen xedea da egindako kontsulta edo proposamenei erantzun ahal izatea, edukien argitaratze eta zabaltzea kudeatzea, eta albiste, berrikuntza eta eskaintza komertzialak erabiltzaileei bidaltzea, beti ere haiek aldez aurretik horrela eskatu badute. Tratamendua Izaera pertsonaleko Datuak Babesteko Lege Organikoak ezartzen duenari jarraikiz egingo da. Halaber, erabiltzaileei sartu, zuzendu, deuseztatu eta, behar denean, aurka egiteko dituzten eskubideen berri ematen zaie. Hauek erabili ahal izango dituzte agiri honetako lehenengo baldintzan adierazten den helbidera zuzenduz.

8. OROKORTASUNAK

8.1. Baldintzen izenburuak informatzaileak dira soilik, eta ez dute erabilera baldintzen interpretazioan eraginik izango, ez berau kalifikatu edo zabalduko.

8.2. Erabilera baldintza hauetako edozein xedapen, bere osotasunean edo zati batean, epaitegi, auzitegi edo eskumena duen administrazio organo batek baliogabe edo aplikaezinezkotzat jotzen badu, baliogabetasun edo ez aplikatze horrek ez du erabilera baldintzetako gainontzeko xedapenetan eraginik izango, ezta Web orriko zerbitzuen baldintza partikularretan ere.

8.3. Kukuxukusuk erabilera baldintza hauetan dagoen edozein eskubide edo xedapen ez burutu edo ez gauzatzeak ez du honi uko egien dionik esan nahi, hark idatzizko onarpen eta adostasuna eman ezan.

9. JURISDIKZIOA

9.1. Erabilera baldintza hauek indarrean dagoen lege espainiarrak agintzen ditu.

9.2. Alderdiek, euren foruari berariaz uko eginez, erabilera baldintza hauetatik sor litezkeen interpretazio edo gatazka guztiak Iruñeko Epaitegi eta Auzitegien menera jartzen dituzte.